काठमाडौं । घरेलु मैदानमा जारी साफ अण्डर २० च्याम्पियनसिपको उपाधिका लागि  नेपाल आज बंगलादेशसँग भिड्दै छ।

ललितपुरको सातदोबाटोस्थित एन्फा कम्प्लेक्स मैदानमा खेल दिउँसो साढे २ बजे सुरु हुनेछ।

यसअघि अखिल नेपाल फुटबल संघ (एन्फा) ले च्याम्पियनसिपको फाइनल खेल काठमाडौँको त्रिपुरेश्वरस्थित दशरथ रगंशालामा हुने बताए पनि मैदान खराब भएकाले एन्फा कम्प्लेक्स मैदानमै हुने भएको हो। 

सेमिफाइनलमा भुटानलाई हराउँदै नेपाल फाइनलमा पुगेको हो। समूह चरणमा बंगलादेशलाई हराउँदै नेपाल समूह विजेताका रूपमा सेमिफाइनलमा भिडेको थियो। 

समूह उपविजेता बंगलादेशले साविक विजेता भारतलाई हराउँदै नेपालसँगको भेट पक्का गरेको हो।

सन् २०१७ मा भएको साफ यू -१८ को उपाधि जितेयता नेपाल च्याम्पियन बन्न सकेको छैन।

अतस् यसपटक घरेलु मैदानमा बंगलादेशलाई हराएर नेपाल उपाधिको नयाँ इतिहास रच्न चाहन्छ।

तर बलियो टोली भारतलाई हराएको बंगलादेश नेपालका लागि त्यति सहज देखिदैन ।