काठमाडौं । प्यालेष्टाइनको गाजा क्षेत्र नजिकै तुफाहमा इजरेलले गरेको आक्रमणमा २३ जनाको मृत्यु भएको छ ।

गाजा शहरको यारमुक स्टेडियममा रहेको शरणार्थी शिविर, अज–सरया स्थित अपार्टमेन्ट लगायतका स्थानमा इजरेलले आक्रमण गरेको हो ।

घटनाबारे थप विवरण संकलनका क्रममा रहेको समाचार संस्था अलजजिराले जनाएको छ । हमासले बन्दी रिहाईको पहल नगरेको भन्दै इजरेलले दुई पक्षबीच भएको युद्धविराम भंग गरेसंगै त्यहां पुन युद्ध सुरु भएको छ ।

यस अघि अमेरिकाको पहलमा इजिप्टमा दुई पक्षबीच युद्धविराम भएको थियो । गाजा क्षेत्रमा जारी युद्धबारे त्यहांका स्थानीय समेत हमासको विरोधमा रहंदै आएका छन् ।