बाबा बैद्यनाथ धाममा पूजाअर्चना
बैद्यनाथ धाममा परराष्ट्रमन्त्री राणाको पूजा अर्चना

काठमाडौं । परराष्ट्रमन्त्री डा.आरजु राणा देउवाले भारतको झारखण्डस्थित बाबा बैद्यनाथ धाममा पूजाअर्चना गरेकी छन् । रायसीना डाइलगमा सहभागी हुन भारत पुगेकी परराष्ट्रमन्त्री राणाले झारखण्डस्थित बाबा वैद्यनाथ धाममा पुगेर पूजा गरेकी हुन ।
मन्त्री राणाले सामाजिक सञ्जाल फेसबुकमा तस्वीर सार्वजनिक गर्दै बाबा बैद्यनाथ धामको साथै बासुकीनाथ मन्दिरमा पुजा गरेको जनाएकी हुन् ।
भारतको राजधानी नयाँ दिल्लीमा सन् २०१६ देखि वर्षेनी रायसीना डायलगको आयोजना हुँदै आएको छ । यो बहुपक्षीय सम्मेलनमा भू राजनीति र भूअर्थशास्त्रका विषयमा छलफल हुने गर्छ । सम्मेलन आगामी सोमबारदेखि सुरु हुदैछ ।
भारतमा रहदा मन्त्री राणाले प्रधानमन्त्री नरेन्द्र मोदीलाई भेटेर सगरमाथा संवादका लागि निम्तो गर्ने बताइएको छ ।
प्रकाशित मिति: बिहीबार, फागुन २९, २०८१ ११:५६
प्रतिक्रिया दिनुहोस्