काठमाडौं । प्रधानमन्त्री केपी शर्मा ओलीले हमासद्वारा बन्धक बनाइएका नेपाली विद्यार्थी विपिन जोशीको रिहाइका लागि आग्रह गरेका छन् । उनले इजिप्टका राष्ट्रपति अब्देल फत्ताह सइद हुसैन खालिलसँग गएराति टेलिफोन मार्फत विपिनको रिहाइका लागि थप पहल गरिदिन अनुरोध गरेका हुन्।
जवाफमा राष्ट्रपति अब्देलले जोशीको रिहाइका लागि आफ्नो प्रयास जारी रहने वाचा गरेको प्रधानमन्त्रीको सचिवालयले जनाएको छ । सन् २०२३ अक्टोबर ७ मा हमासद्वारा बन्धक बनाइएका जोशीको इजरायल र हमासबिचको दोस्रो चरणको बन्दी आदानप्रदानको सूचीमा उनको नाम प्राथमिकतामा पार्ने प्रयासका लागि ओलीले धन्यवाद व्यक्त गरे।
यसैबीच प्रधानमन्त्री ओलीले आगामी जेठ २ देखि ४ गतेसम्म काठमाडौँमा हुने सगरमाथा संवाद कार्यक्रमका लागि राष्ट्रपति खालिललाई निमन्त्रणा गरे ।
वातावरणसम्बन्धी विश्व सम्मेलन ९कोप–२७० को आतिथ्य मुलुकका नाताले जलवायु परिवर्तनका मुद्दामा साझा सहकार्यका लागि ओलीले राष्ट्रपति खालिसँग आग्रह गरेका हुन्। नेपालले पहिलो पटक जलवायु परिवर्तन, हिमाल र मानव जीवनको भविष्यलाई केन्द्रमा राखेर विश्वव्यापी संवादको आयोजना गर्न लागेको हो ।
