काठमाडौं । केहीबेरका लागि स्थगित भएको प्रतिनिधिसभाको बैठक पुनः सुरु भएको छ । संसद बैठकमा मन्त्री उपस्थित नभएको भन्दै प्रतिपक्षीले प्रश्न उठाएपछि संसद बैठक १५ मिनेटका लागि स्थगित भएको भएको थियो । बैठकमा मन्त्री उपस्थित भएपछि स्थगित बैठक फेरि सुरु भएको हो । 
प्रमुख प्रतिपक्षी दल नेकपा माओवादी केन्द्रका प्रमुख सचेतक हितराज पाण्डेले मन्त्री उपस्थित नभएको ध्यानाकर्षण गराएका थिए ।

उनले प्रतिनिधि सभा बैठकमा मन्त्रीको उपस्थिति नभएको भन्दै बैठक अगाडि नबढाउन आग्रह गरपछि सभामुख देवराज घिमिरेले १५ मिनेटका लागि बैठक स्थगित भएको घोषणा गरेका हुन् ।

मन्त्री उपस्थित नभएपछि पाण्डेले भने, ‘सरकार सदनलाई हेपिरहेको छ । सरकार हामी जनप्रतिनिधिलाई एउटा कुरामा होइन हरेक कुरामा हेपिरहेको छ । हाम्रा अभ्यासहरु सरकार मानिरहेको छैन ।

अहिलेसम्म सदन सुरु हुँदासमेत मन्त्री कोही पनि छैनन् । हामी समितिहरुमा, उपसमितिहरुमा प्रतिपक्षी दल उपस्थित हुन्छ । तर सरकार उपस्थित हुँदैन । नियमावलीअनुसार या बैठक चल्दैन । बन्द गरियोस् ।’

उनले सरकारले हरेक कुरामा प्रतिपक्षी दलहरुलाई हेपिरहेको आरोप लगाए । लगत्तै सभामुख प्रतिनिधि सभा नियमावली अनुसार संसद बैठकमा मन्त्रीको उपस्थिति अनिवार्य हुनुपर्ने व्यवस्था छ ।