काठमाडौं । रुस–युक्रेन युद्ध अन्त्यका लागि अमेरिका र युक्रेनबीच भएको वार्ता सकारात्मक रुपमा अघि बढेको नेताहरुले बताएका छन् ।
सुरुमा १ महिना युद्ध विराम गर्ने अमेरिकाको प्रस्ताव युक्रेनले स्वीकारेसंगै वार्ता सकारात्मक रुपमा अघि बढेको समाचार संस्था रोयटर्सले जनाएको छ ।
यस्तै, अमेरिकाले युक्रेनलाई रोकेको सहायता सामग्री समेत खुल्ला गर्ने भएको छ । वार्तामा युक्रेनको खानी प्रयोग गर्ने सम्बन्धी विषयमा दुई मुलुकबीच सहमती भएको छ ।
पछिल्लो सहमती कार्यान्वयनका लागि अब बल युक्रेनको कोर्टमा रहेको अमेरिकाका विदेशमन्त्री मार्को रुबियोले बताए ।
रुसले आफुले कब्जा गरेको भुभागबाट युक्रेनी सेना बाहिरिनुपर्ने अडान राख्दै आएको छ । रुसको मागलाई सम्बोधन गर्ने विषय युक्रेनको हातमा रहेको अमेरिकाको भनाई छ । एक महिना लामो युद्ध विराम सफल भए अर्को चरणको सहमतीका लागि बाटो खुल्ने अमेरिकाले जनाएको छ ।
