विदेशी लगानी एफडीआई नेपाल भित्रियो
विदेशी लगानी ल्याउछौं भन्ने धेरै, तर लगानी रकम अति नै न्यून
काठमाडौं । चालु आर्थिक वर्ष २०८१/८२ को सात महिनामा अघिल्लो वर्षको भन्दा दुई अर्ब भन्दा बढी विदेशी लगानी एफडीआई नेपाल भित्रिएको छ ।
गत साउनदेखि माघ महिनासम्म सात अर्ब ४५ करोड रुपियाँ लगानी भित्रिएको हो ।
उद्योग विभागका अनुसार सो लगानी पर्यटन, सेवामूलक र जलविद्युत क्षेत्रमा नेपाल भित्रिएको हो ।
गत वर्ष यहि अवधिमा ५ अर्ब १९ करोड रुपियाँ लगानी भित्रिएको थियो । यद्यपी यो अवधिमा २६ अर्ब ८४ करोड १७ लाख ३३ हजार रुपियाँ लगानी गर्ने प्रतिबद्धता आएको थियो ।
नेपालमा लगानी गर्छु भनेर लगानी प्रतिबद्धता धेरै हुने गरे पनि न्यून परिणाममा लगानी भित्रिने गरेको राष्ट्र बैंकको तथ्यांकले देखाएको छ ।
प्रकाशित मिति: बुधबार, फागुन २८, २०८१ १०:३५
प्रतिक्रिया दिनुहोस्
