काठमाडौं । सरकारले प्रतिनिधिसभा बैठकमा एकै पटक पाँच वटा विधयेक प्रस्तुत गर्दैछ । प्रतिनिधिसभाको बैठक बिहान ११ बजेका लागि बोलाइएको छ ।
प्रतिनिधिसभाको आजको बैठकमा सुशासन प्रर्वद्धन तथा सार्वजनिक सेवा प्रवाह सम्बन्धी केही नेपाल ऐनलाई संशोधन गर्ने विधयेक, आर्थिक कार्यविधि तथा वित्तीय उत्तरदायित्व (पहिलो संशोधन) विधयेक, निजीकरण (पहिलो संशोधन) विधयेक, आर्थिक तथा व्यावसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधयेक र सहकारी सम्बन्धी केही नेपाल ऐनलाई संशोधन गर्ने विधयेक प्रस्तुत गर्ने सम्भावित कार्यसूची रहेको संसद सचिवायले जनाएको छ ।
प्रधानमन्त्री केपी शर्मा ओलीले सुशासन प्रर्वद्धन तथा सार्वजनिक सेवा प्रवाह सम्बन्धी केही नेपाल ऐनलाई संशोधन गर्ने विधयेकमाथि छलफलका लागि संसदमा प्रस्तुत गर्ने कार्यसूची छ ।
अर्थमन्त्री विष्णु पौडेलले आर्थिक कार्यविधि तथा वित्तीय उत्तरदायित्व (पहिलो संशोधन) विधयेक र निजीकरण (पहिलो संशोधन) विधयेक, आर्थिक तथा व्यावसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधयेक प्रस्तुत गर्ने सम्भावित कार्यसूची रहेको संसद सचिवायले जनाएको छ ।
यस्तै, भूमि व्यवस्था सहकारी तथा गरिबी निवारण मन्त्री बलराम अधिकारीले सहकारी सम्बन्धी केही नेपाल ऐनलाई संशोधन गर्ने विधयेक संसदमा प्रस्तुत गर्ने सम्भावित कार्यसूची रहेको सचिवालयले जनाएको छ ।
त्यस्तै, गृहमन्त्री रमेश लेखकले सशस्त्र प्रहरी बल, नेपाल विधेयक, २०८१ लाई दफावार छलफलको लागि सम्बन्धित समितिमा पठाउन प्रस्ताव गर्नेलगायत ११ वटा कार्यसूची रहेको संसद् सचिवालयले जनाएको छ ।
