Banner Nepal
माओवादी अध्यक्ष दाहालसहित नेताको जम्बो टोली आज दिनभर बुटवलमा

काठमाडौं । नेकपा माओवादी केन्द्रका अध्यक्ष पुष्पकमल दाहाल शीर्ष नेताको जम्बो टोली लिएर आज रुपन्देही जादैछन् । विभिन्न कार्यक्रममा सहभागी हुन दाहालसहितको पदाधिकारीको टोली बुटवल जान लागेको हो ।

अध्यक्ष दाहालले मगर राष्ट्रिय मुक्ति मोर्चाको बुटवलमा हुने छैठौं राष्ट्रिय सम्मेलनको उद्घाटन गर्ने कार्यक्रम छ । सम्मेलनको उद्घाटन अघि दाहालले ओमसतिया गाउँपालिकाको जमुहानी तालमा बनाउन लागिएको पार्कको शिलान्यास गर्ने कार्यक्रम छ ।

त्यस्तै उनले दिउँसो १२ बजेदेखि १२ः३० बजेसम्म बुटवल ज्योतिनगरमा पहिरोको जोखिमयुक्त क्षेत्रको निरीक्षण गर्ने र दिउँसो १ बजे बुटवलको ट्राफिक चोकमा मगर मुक्ति मोर्चाको छैठौं राष्ट्रिय सम्मेलनलाई सम्बोधन गर्ने कार्यक्रम तय भएको माओवादी केन्द्र रुपन्देहीले जनाएको छ ।

अध्यक्ष दाहालको टोलीका वरिष्ठ उपाध्यक्ष नारायणकाजी श्रेष्ठ, महासचिव देवप्रसाद गुरुङ, उपमहासचिवद्वय वर्षमान पुन र जनार्दन शर्मा, सचिव चक्रपाणी खनाल, पुर्व सभामुख ओनसरी घर्ती लगायतका नेता सहभागी छन् ।

प्रकाशित मिति: बुधबार, फागुन २८, २०८१  १०:००
प्रतिक्रिया दिनुहोस्
Weather Update