काठमाडौं । काठमाडौँ उपत्यका  विश्वका प्रदूषित सहरमध्ये पाँचौँ स्थानमा पुगेको छ । वायु गुणस्तर‘का अनुसार काठमाडौँ विश्वको पाँचौँ प्रदूषित सहर बनेको हो ।

यहाँको वायु प्रदूषण एक सय ८० एक्युआई पुगेको छ । यो मापन आज बिहान पौने १२ बजेको हो । 

उपत्यकाको आकाश प्रदुषणका कारण धुम्म भएको छ ।   वर्षा हुन नसक्दा वायु गुणस्तर अस्वस्थ्यकर बनेको हो ।  

वायु गुणस्तरको एक नम्बरमा चीनको बेइजिङ छ । त्यहाँको वायु प्रदूषण २ सय ४० एक्युआई छ ।

यस्तै, दोस्रोमा युगाण्डाको कम्पालाको वायु प्रदूषण २ सय २८ एक्युआई छ ।

यस्तै, तेस्रोमा भारतको दिल्ली र चौथौँमा कुवेत छ । यहाँका वायु प्रदूषण क्रमशः २०५ र १८४ एक्युआई पुगेको छ ।