काठमाडौं । डिजिटल माध्यमाबाट प्रकाशन तथा प्रशारण हुने संचार माध्यमहरुले डिजिटल मिडिया अलाएन्स (डिम्यान) गठन गरेका छन् ।
गौतम बुद्धको जन्मस्थल लुम्बिनीबाट उनीहरुले डिजिटल मिडिया अलायन्सको घोषणा गरेका हुन् । अलाएन्सले मोहराज पौडेलको अध्यक्षतामा कार्यसमिति गठन गरेको छ ।
९ जना संचालक रहेको अलाएन्सले प्रविधिको उच्चतम प्रयोग गरेर सूचना तथा समाचार प्रकाशनलाई प्रभावकारी बनाउन भूमिका खेल्ने दाबी गरेको छ ।
अलाएन्समा हाल डिजिटल संचारमाध्यममा सक्रिय मिडियाहरु जोडिएका छन् ।
कसैको दबाब र प्रभाबमा नपरी निस्पक्षरुपले समाचार सम्प्रेषण गर्ने अध्यक्ष पौडेलले बताए ।
त्यस्तै, डिजिटल मिडियामा आवद्ध पत्रकारहरुको क्षमता अभिवृद्धी र गुणस्तर वृद्धीका लागि काम गर्ने अलाएन्सका सल्लाहाकार मिडिया उद्यमी बिजन दुवाडीले बताए। दुवाडी सीटीजन एफएम तथा सीटीजन एचडीका सञ्चालक हुन् ।
