काठमाडौं । राष्ट्रिय प्रजातन्त्र पार्टी (राप्रपा) का प्रवक्ता ज्ञानेन्द्र शाहीले पूर्वराजाको स्वागत कार्यक्रममा भारत उत्तरप्रदेशका मुख्यमन्त्री योगी आदित्यनाथको तस्वीर एमालेको निर्देशनमा राखेको आरोप लगाएका छन् ।
उनले प्रधानमन्त्री केपी शर्मा ओलीको निर्देशनमा नेकपा एमालेका उपमहासचिव विष्णु रिमालले योगीको तस्वीर राख्न लगाएको दाबी गरेका हुन् ।
सामाजिक सञ्जाल फेसबुकमा सांसदसमेत रहेका शाहीले आफुहरुको प्रदर्शनलाई कमजोर बनाउन सरकार लागि परेको बताए ।
पोखराबाट फर्किएका पूर्वराजा शाहको स्वागतमा आइतबार काठमाडौँमा राजेन्द्र लिङ्देन नेतृत्वको राप्रपा, कमल थापा नेतृत्वको राप्रपा नेपाल, दुर्गा प्रसाईं नेतृत्वको माातृभूमि बचाऊ अभियानलगायतको सहभागितामा राजावादीहरूले शक्ति प्रदर्शन गरेका थिए।
त्यस क्रममा जुलुसमा पूर्वराजा ज्ञानेन्द्र शाहका साथै उत्तर प्रदेशका मुख्यमन्त्री एवं भारतीय जनता पार्टी (भाजपा) का नेता योगी अंकित ब्यानर पनि देखिएको थियो।
