काठमाडौं । जाजरकोटको कुशे गाउँपालिका–८ साँक्टमा आगलागी हुदाँ एक बालकको मृत्यु भएको छ ।

स्थानीय जनक बहादुर रोकायाको घरमा हिजो राति खाना पकाउने क्रममा चुलोबाट आगो सल्किएर उनका छोरा अमर बहादुर रोकायाको मृत्यु भएको हो ।

आगलागीमा परी जनक र उनकी आमा बिजुली समेत घाइते भएका छन् । सात जनाको परिवार रहेको सो घरमा अन्य भने भाग्न सफल भएका थिए ।

आगलागीबाट घरभित्रका लत्ताकपडा, अन्न र केही नगद पनि जलेको गाउँपालिकाका अध्यक्ष हरिशचन्द्र बस्नेतले बताए ।