काठमाडौं । सिरियामा पछिल्लो २ दिनमा भएको झडपमा परि १ हजार बढी नागरिकको मृत्यु भएको छ । सिरियाली सुरक्षा बलहरू र अपदस्थ राष्ट्रपति बसर असद पक्षधरबीच भएको झडप र त्यसपछिको बदला लिने क्रममा उनीहरुको मृत्यु भएको युद्धको अनुगमन गरिरहेको निकायलाई उद्धृत गर्दै अन्तर्राष्ट्रिय सञ्चार माध्यमले जनाएका छन् ।
सो निकायका अनुासर १४ वर्ष पहिले सिरियामा द्वन्द्व सुरु भएयताको यो सबैभन्दा घातक हिंसा हो । बेलायतमा रहेको सिरियन अब्जर्भेटरी फर ह्युमन राइट्सले ७ सय ४५ सर्वसाधारणको मृत्यु हुनुका साथै धेरैजसो नजिकबाट भएको गोली प्रहारबाट १ सय २५ सरकारी सुरक्षा बलका सदस्य र राष्ट्रपति असदसँग आबद्ध सशस्त्र समूहका १ सय ४८ विद्रोही मारिएको जनाएको छ ।
धेरै नागरिकको मृत्यु भएपछि केहि क्षेत्रमका बिजुली र खानेपानी वितरण गर्न समेत बन्द गरिएको समाचार संस्था एपीले जनाएको छ ।
राष्ट्रपति असदलाई सत्ताबाट हटाएपछिको तीन महिनामा राजधानी दमस्कसमा बढ्दो महङ्गी नियन्त्रण गर्न नयाँ सरकारलाई चुनौती समेत दिइएको छ । यसैबीच वर्तमान सरकारले भने अपदस्त भएका राष्ट्रपति असद पक्षधरका केही सेनाबाट अहिले पनि आक्रमणको प्रयासहरु भइरहेको जनाएको छ ।
