काठमाडौं । नेकपा एकीकृत समाजवादीका युवा नेता सुदेश पराजुलीले ओली सरकार प्रतिगामीहरुको मतियार बन्दै गएको आरोप लगाएका छन् । नेता पराजुलीले सामाजिक सञ्जाल फेसबुकमा ११ बुँदे दलील पेश गर्दै ओली सरकारकै कारण गणतन्त्रमाथि प्रतिगामीले धावा बोल्न थालेको जिकिर गरेका हुन् । उनले ओली सरकारको गलत निर्णय, प्रवृत्ति र रवैयाका कारण राजावादीहरुलाई फाइदा पुगेको उल्लेख गरेका छन् । उनले ओली सरकार गणतन्त्र विरोधीको मतियार भइरहेको आरोप लगाएका हुन् । 

१. उज्यालो नेपाल निर्माणमा महत्त्वपूर्ण भुमिका , काम , योगदान गरेका नेपाल विद्युत् प्राधिकरणका कार्यकारी 
  निर्देशक कुलमान घिसिङलाई जिरो नम्बर दिन्छ ,स्पष्टीकरण सोद्छ , बर्खास्त गर्न लाग्छ ।
२.गणतन्त्रको व्यवस्थामा लोकप्रीय जनमत प्राप्त युवा जनप्रतिनिधि काठमाडौंका प्रमुख बालेन शाह लगाएतलाई पाईला पाईलामा अवरोध गर्छ काम गर्न दिदैन ।
३. भारतले नेपाललाई  उज्यालो  बनायो भनेर संसदमा राष्ट्रघाती  अभिव्यक्ति दिने भ्रष्ट मन्त्रीलाई ओलि सरकार संरक्षण गर्छ ।
४. दुई तिहाईको सरकार चोर बाटोबाट  दलाल माफियालाई पोस्न अध्यादेश ल्याउछ ।
५. भुमाफियालाई पोस्न संसदिय विधि पद्वति मिच्ने काम गर्छ ।
६. ओलिका खास उत्तराधिकारी मान्ने ,ठान्ने मान्छेबाट निरंकुश व्यवस्थाको वकालत भैईरहन्छ , लोकतान्त्रिक मुल्य ,मान्यता विपरित निरन्तर अभिव्यक्ति आईरहन्छ ।
७. विवादित कर छलेका बिभिन्न व्यक्त्तिहरुसंग दानहरु लिन्छ । 
८. जनताको दिनादिनको समस्या समाधान होईन समस्या माथि समस्या थुपार्ने काम गर्छ ।
९. देशको आर्थिक अवस्था दिनादिनु बिगार्ने ,दोष अरुलाई दिने काम गर्छ । 
१०.  ओलि सरकार गणतन्त्रको फुलबारीमा फलेका फुलेका विचारहरुलाई मास्ने, तास्ने काममा उद्वत हुन्छ ।
११.ओलि सरकार वामपन्थि , समाजवादी , समाजवाद भन्नेलाई कसरी समाप्त पार्ने भन्ने कुरामा दिनरात षडयन्त्र गर्छ यस कार्यमा सत्ता शक्तीको भरपुर र चरम दुरूपयोग गर्न लाग्छ ।