काठमाडौं । नेकपा एमाले मोरङ निर्वाचनमा अध्यक्ष केपी ओलीको सस्थापन पक्ष बिरुद्ध बिनोद ढकालको समुह निर्वाचित भएको छ । एमाले मोरङमा अध्यक्ष केपी शर्मा ओलीइतर समूहको अगुवाई विनोद ढकालले गरेका थिए ।
नेपाली राजनितिको मियो मानिने मोरङ जिल्लाबाट एमाले कार्यकर्ताहरुले ओलीलार्इ चूनौति दिएका छन् । संस्थापन पक्षलाई पराजित गर्दै अजम्बर राईले नेतृत्व हत्याएका छन् ।
राईले ४ सय ४६ मत प्राप्त गर्दा ओली समूहका उमेद्वार राजकुमार ओझाले ४०७ मत प्राप्त गरेका छन् ।
उपाध्यक्षमा पनि ढकाल समूहका उमेद्वार सागर थापा ४ सय २२ मतसहित विजयी भएका छन् भने ओली समूहका उमेद्वार शान्ति लिम्बूले ३ सय ९१ मत पाएकी छन् ।
ढकाल समूहका सोमराज थापा ४६२ मत सहित सचिवमा निर्वाचित भएका छन् । ढकाल समूहकै सन्तोष वान्तवा उपसचिवमा विजयी भएका छन् भने उपसचिवमा पनि ओली समूहका शिल्पा कार्कीलाई पराजित गदै उषा झा निर्वाचित भएकी छन् ।
पछिल्लो समय पार्टी भित्र अध्यक्ष ओली विरुद्धको मत बलियो हुदै गएको सन्देश एमाले मोरङले दिएको छ ।
दसौं अधिवेशनअन्तर्गतको निर्वाचनमा कुल ८ सय ८८ मत खसेको थियो ।
निर्वाचन परिणामले संस्थापन पक्षमा खैलाबैला मच्चिएको छ ।
अधिवेशनको पूर्वसन्ध्यामा पूर्वराष्ट्रपति विद्यादेवी भण्डारीको एक हप्ता लामो विराटनगर बसाइ र उनको कसरतले ढकाल समूहलाई राहत मिलेको विश्लेषण हुन थालेको छ ।
एमाले मोरङको यो अधिवेशनले अध्यक्ष ओलीको पार्टी भित्रको अलोकप्रियतालाई पुष्टि गरिदिएको एमाले नेताहरुको भनाई छ ।
