काठमाडौ ।
भौतिक पूर्वाधार तथा यातायात मन्त्री देवेन्द्र दाहालले नयाँ योजनाहरु थप गर्नु भन्दा थालिएका योजनाहरु पूरा गर्नु अहिलेको आवश्यकता रहेको बताएका छन् ।
प्रतिनिधीसभामा विभिन्न समयमा सांसदहरुले उठाएका प्रश्नको शुक्रबार जवाफ दिने क्रममा उनले सरकारले नयाँ योजना भन्दा पनि शुरु भै सकेका राष्ट्रिय प्राथमिकताका योजनाहरुमा श्रोत प्राथमिकिकरण गरी सम्पन्न गर्ने नीति लिएको बताएका हुन् ।
यसैक्रममा उनले वर्षातबाट क्षतिग्रस्त विपी राजमार्ग लगायत सवै खण्डहरु पुन निर्माणको प्रकृया शुरु भइसकेको जानकारी गराए ।
त्यसैगरी सडक तथा सवारी दुर्घटना न्युनिकरणलाई सरकारले उच्च प्राथमिकता दिएको भन्दै मन्त्री दाहालले निर्माणाधिन सडकहरुमा सडक सुरक्षालाई सडक संकेत, सडक चिन्ह, जेब्रा क्रसिङ लगायत सडक सुरक्षासंग सम्बन्धित संरचनाहरु निर्माण गर्ने गरिएको बताए ।
२० वर्षभन्दा पुराना सार्वजनिक सवारी साधन चलाउन नपाइने नेपाल सरकारको निर्णय कार्यान्वयन भएको, प्रस्तावित सवारी तथा यातायात व्यवस्थापन सम्बन्धी विधेयक, २०८१ मा पुराना सवारी साधनको व्यवस्थापनका विषय समेटिएको तथा पुराना सवारी साधनलाइ पत्रु गरिने सम्बन्धी मापदण्ड तयारीको क्रममा रहेको मन्त्री दाहालले बताए ।
