काठमाडौं । कोशी प्रदेशको राजधानी विराटनगर र झापाको पुरानो बजार गौरीगञ्जलाई हुलाकी राजमार्गले सिधारुपमा जोडेपछि आधाभन्दा बढी समय बचत हुने भएको छ ।
विराटनगरबाट–रङ्गेली हुँदै झापाको भद्रपुर जोड्ने हुलाकी राजमार्ग अन्तर्गत रतुवा खोलामा पुल बनेपछि दुई पुराना बजारलाई राजमार्गले जोडेको हो ।
यो सँगै गौरीजञ्जबाट विराटनगर जान अब ४६ किलोमिटर सडक छोट्टिएको छ ।
यसअघि गौरीगञ्जबाट विराटनगर पुग्न पाडाजुँगी – दमक – इटहरीहुँदै ९५ किलोमिटर पार गरेर जानु पथ्र्यो । हुलाकी मार्ग खुलेसँगै गौरीगञ्जबाट विराटनगर पुग्न ४९ किलोमिटर मात्र पार गर्नु पर्ने छ ।
हुलाकी मार्ग खुलेसँगै खजुरगाछी–गौरीगन्ज पुग्न विराटनगर हाटखोलाबाट बस छुट्न थालेका छन् ।
रङ्गेली, डाइनिया आम्बारी हुँदै झापाको गौरीगन्जसम्मका लागि सार्वजनिक यातायात सञ्चालनमा आएपछि दक्षिणी मोरङका ग्रामीण बजारसँग झापाका बजारको सिधा सम्पर्क स्थापित भएको छ ।
विराटनगरदेखि गौरीगन्जसम्म दैनिकी ३०÷३० मिनेटमा १५ वटा सार्वजनिक बस नियमित रूपमा सञ्चालन हुन थालेको स्थानीयले बताए ।
