विजेताले ११ लाख र उपविजेताले ५ लाख रुपैयाँ हात पार्नेछन्
विराट गोल्डकपको तेस्रो क्वाटरफाइनलमा आज साविक विजेता मछिन्द्र र थ्री स्टार आमने सामने हुँदै
काठमाडौं । बिराटनगरमा जारी नवौं संस्करणको रमपम विराट गोल्डकपको तेस्रो क्वाटरफाइनलमा आज साविक विजेता मछिन्द्र र थ्री स्टारबीच प्रतिस्पर्धा हुँदैछ ।
शहिद रंगशालामा मछिन्द्र र थ्रीस्टार साँझ साढे ६ बजे आमनेसामने हुन लागेका हुन् ।
दुई बिदेशी सहित १० टिम सहभागि प्रतियोगितामा सेमिफाइनल खेल्ने दुई टोलीको टुंगो लागिसकेको छ ।
पहिलो क्वाटरफाइनलमा घरेलु टोली रिजालको मोरङलाई पराजित गर्दै आर्मी सेमिफाइनलमा प्रवेश गरेको हो ।
यस्तै दोस्रो क्वाटरफाइलमा हिजो सशस्त्र प्रहरी बल एपीएफलाई हराउदै पुलिस पनि सेमिफाइनलमा पुगिसकेको छ । सेमिफाइनल प्रवेशका लागि भोली चर्च ब्वाइज युनाइटेड र एनआरटीबीच चौथो क्वाटरफाइनल खेल हुने आयोजकले जनाएको छ ।
आगामी फागनु २८ गते फाइनलको विजेताले ११ लाख र उपविजेताले ५ लाख रुपैयाँ हात पार्नेछन् ।
प्रकाशित मिति: शुक्रबार, फागुन २३, २०८१ ११:२५
प्रतिक्रिया दिनुहोस्
