काठमाडौं । कानुन व्यवसायीहरुको छाता संगठन नेपाल बार एशोसिएशनको आसन्न अधिवेशनको सरगर्मी सुरु भएको छ ।

२७ औँ केन्द्रीय कार्यसमितिको निर्वाचनका लागि अध्यक्षमा पाँचजनाको उम्मेदवारी परेको छ ।

नयाँ नेतृत्वका लागि अधिवक्ता प्राडा विजयप्रसाद मिश्र, वरिष्ठ अधिवक्ता रमणकुमार श्रेष्ठ, अधिवक्ता राजु कैती, अधिवक्ता उज्वल घिमिरे र अधिवक्ता आशीष पौडेलले उम्मेदवारी पेश गरेका छन् । 
त्यस्तै बारको महासचिवमा वरिष्ठ अधिवक्ता केदारप्रसाद कोइराला, अधिवक्ता हरिशरण कार्की र अधिवक्ता यज्ञमणि न्यौपानेले उमेद्वारी दर्ता गराएको प्रमुख निर्वाचन अधिकृत वरिष्ठ अधिवक्ता रामकृष्ण निरौलाले जानकारी दिनुभयो । बारको नयाँ कार्यसमितिका लागि आगामी चैत २३ गते निर्वाचन हुँदैछ ।