काठमाडौं । संघीय संसदका दुवै सदनका बैठक बोलाइएको छ । प्रतिनिधि सभाको बैठक दिउँसो १ बजे बस्ने संसद सचिवालयले जनाएको छ ।
बैठकमा राष्ट्रिय मानवअधिकार आयोगको २४ औं वार्षिक प्रतिवेदन पेश गर्ने कार्यसूची राखिएको छ । त्यस्तै, व्यवस्थापन कार्यसम्बन्धी उर्जामन्त्री दीपक खड्काले नवीकरणीय उर्जासम्बन्धी विधेयक माथि विचार गरियोस् भन्ने प्रस्ताव पेश गर्ने सम्भावित कार्यसूची छ ।
राष्ट्रिय सभाको बैठक दिउँसो सवा १ बजे बस्ने छ । राष्ट्रिय सभाको बैठकमा मन्त्रीसँगको प्रश्नोत्तर कार्यक्रम राखिएको छ । कृषि तथा पशुपन्छी विकास मन्त्रालय र युवा तथा खेलकुद मन्त्रालयसँग सम्बन्धित प्रश्नहरूको सम्बन्धित मन्त्रीले जवाफ दिने कार्यसूची छ ।
त्यस्तै, प्रधानमन्त्री केपी शर्मा ओलीले राष्ट्रिय सुरक्षा परिषद्को आर्थिक वर्ष २०७९/८० को छैटौँ वार्षिक प्रतिवेदन पेश गर्ने कार्यसूची छ । त्यस्तै राष्ट्रिय सभामा अर्थमन्त्री विष्णु पौडेलले ‘प्रतिनिधिसभाबाट सन्देशसहित प्राप्त बैंकिङ कसुर तथा सजाय (दोस्रो संशोधन) विधेयक, २०८०’ दफावार छलफलका लागि विधायन व्यवस्थापन समितिमा पठाउन प्रस्ताव प्रस्तुत गर्ने कार्यसूची छ ।
