काठमाडौं । नेपाली बजारमा सुनचाँदीको मुल्य बढेको छ । कारोबार हुने साताको चौथो दिन सुन प्रतितोला ९ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुन प्रतितोला १ लाख ७० हजार ४ सय रुपैयाँमा कारोबार भईरहेको छ । सुन हिजो प्रतितोला १ लाख ६९ हजार ५ सय रुपैयाँमा कारोबार भएको थियो ।

सुनसँगै चाँदीको मुल्य पनि आज सामान्य दरले वृद्धि भएको छ । चाँदी आज प्रतितोला १० रुपैयाँले वृद्धि भएको हो । महासंघका अनुसार चाँदी आज प्रतितोला १ हजार ९ सय ५० रुपैयाँमा कारोबार भईरहेको छ भने अघिल्लो दिन चाँदी प्रतितोला १ हजार ९ सय ४० रुपैयाँमा कारोबार भएको थियो ।