काठमाडौं । राष्ट्रपति डोनाल्ड ट्रम्पले अघिल्लो सरकारले ४ वर्षमा नगरेको काम आफूले ४३ दिनमै गरेको दाबी गरेका छन् ।

अमेरिकी संसदको संयुक्त बैठकलाई सम्बोधन गर्दै ट्रम्पले पूर्वराष्ट्रपति जो बाइडेनलाई अमेरिकी इतिहासकै सबैभन्दा खराब राष्ट्रपति भएको आरोप लगाए । 
बाइडेन प्रशासनबाट पाएको आर्थिक विनाश र मुद्रास्फीतिको खराब परिणामलाई सुधार्ने जिम्मेवारी आफ्नो काँधमा आएको ट्रम्पको भनाई छ ।  

बाइडेनको नीतिहरूले ऊर्जाको मूल्य बढाएको , सामानहरू महँगो बनाएको र लाखौं अमेरिकीको गुमेको अवसर र क्षतिलाई पूर्ति गर्न आफु लडिरहेको ट्रम्पको भनाई छ । ट्रम्पले अमेरिकामा अभिव्यक्ति स्वतन्त्रता फिर्ता ल्याउन आफुले काम गरिरहेको बताए । 
ट्रम्पले आफ्नो भाषणको अधिकांस समय एलन मस्क र उनको सरकारको दक्षता विभागको प्रशंसा गर्नमा बिताएका थिए ।