काठमाडौं । काठमाडौंको बुद्धनगरमा खाजाघर र पुलहाउस सञ्चालन गर्दै आएका एक व्यक्तिको हत्या भएको छ। ४० वर्षीय रुपक बान्तवाको हत्या भएको प्रहरीले जनाएको छ । 

आइतबार राति पौने २  बजेतिर उनी खाजा घरको कोठामा रहेको सोफामा घाइते अवस्थामा फेला परेका थिए ।  

घाइते भेटिएलगत्तै उनलाई अस्पताल लगिएको प्रहरीले जनाएको छ । उपचारको क्रममा उनको साढे २ बजेतिर सिभिल अस्पतालमा  मृत्यु भएको हो।

बान्तवाले काठमाडौँ महानगरपालिका -१० शंखमुलस्थित बागमती कोरिडोरको सुकुम्बासी बस्तीमा रहेको आफ्नै २ तले घरको भुइँ तल्लामा ‘द टाइम पास स्नुकर एण्ड खाजा घर’ सञ्चालन गर्दै आएका थिए।

उनको हत्याको विषयमा प्रहरीले अनुसन्धान सुरु गरेको छ ।