काठमाडौं । अमेरिकाले देश निकाला गरेका ८ नेपाली काठमाडौं आइपुगेका छन् ।
आधिकारिक कागजातविहीन आप्रवासीलाई अमेरिकाबाट निष्कासन गर्ने नीति लिएको ट्रम्प प्रशासनले ८ जना नेपालीलाई चार्टर विमानबाट नेपाल पठाएको हो ।
उनीहरूलाई त्रिभुवन अन्तर्राष्टिय विमानस्थलमा उतारिएको अध्यागमन विभागले जनाएको छ । नेपाल आइपुगेका मध्ये सात जना पुरुष र एक जना महिला छन् ।
उनीहरुलाई बोकेर आएको अमेरिकी वायुसेवा कम्पनी ग्रिफोन एयरको जहाज गल्फजेटस्ट्रिम बिहान ९ बजेर ५३ मिनेटमा त्रिभुवन अन्तर्राष्ट्रिय विमानस्थलमा अवतरण गरेको थियो ।
चार्टर विमान अमेरिकाको न्यु ह्याम्पसर राज्यको पोर्टसमाउथ अन्तर्राष्ट्रिय विमानस्थलबाट आएको हो । अल्बानियाको तिराना अन्तर्राष्ट्रिय विमानस्थलमा त्यहाँका केही नागरिकलाई ओरालेपछि सो विमान सोझै नेपाल आएको हो । उनीहरुलाई अल्बानियासम्म हत्कडी लगाइएको थियो
