६ खर्ब रुपैयाँ ऋण थपिने देखिन्छ ।
घाटा बजेट ल्याउने सरकारको तयारी, सार्वजनिक ऋण बोझिलो बन्दै
काठमाडौं । सरकारले झण्डै साढे ६ खर्ब बराबरको घाटा बजेट ल्याउने तयारी गरेको छ ।
राष्ट्रिय स्रोत अनुमान समितिले आगामी आर्थिक वर्ष २०८२/८३ का लागि करिब साढे छ खर्ब बराबरको घाटा बजेट ल्याउन सकिने गरी स्रोतको सीमा निर्धारण गरेको हो ।
१९ खर्ब ६५ करोडको बजेट ‘सिलिङ’ निर्धारण गर्दा आन्तरिक राजस्वबाट रु १२ खर्ब ६३ अर्ब १० करोड मात्रै प्राप्त हुने अनुमान गरिएको छ ।
समितिले दिएको सिमामा रहेर बजेट ल्याउने हो भने ६ खर्ब ३७ अर्ब ५५ करोड स्रोत अपुग हुने देखिएको हो ।
अपुग रकमलाई आन्तरिक तथा बाहिय ऋण र अनुदानमार्फत पूर्ति गरिदै आइएको छ । यसकालागि पनि सरकारले घाटा बजेट ल्याउनु परेको हो ।
स्रोत अनुमान समितिले निर्धारण गरेको सीमा अनुसार नै बजेट आउने हो र सोही अनुसार खर्च पनि हुने हो भने आगामी आर्थिक वर्षमा मुलुकलाई करिब ६ खर्ब रुपैयाँ ऋण थपिने देखिन्छ ।
प्रकाशित मिति: बुधबार, फागुन २१, २०८१ १०:३९
प्रतिक्रिया दिनुहोस्
थप राजनीति
