काठमाडौं । उपचाररत पूर्वयुवराज पारस शाहको स्वास्थ्य अवस्था सुधारोन्मुख हुँदै गएको छ । 
हृदयाघात भएपछि नर्भिक अस्पताल भर्ना गरिएका शाहकोे स्वास्थ्यमा क्रमिक सुधार हुँदै गएको अस्पतालले जनाएको छ । 

अस्पतालका अनुसार शाहलाई आजदेखि आईसीयूबाट बार्डमा सारिएको छ ।

पटक पटक हृदयाघातको समस्या झेल्दै आएका शाहलाई चिकित्सकको विशेष निगरानीमा राखेर उपचार भइरहेको बताइएको छ ।

अस्पतालका अनुसार शाहलाई थप केही दिन अस्पतालमै राख्नुपर्ने छ ।

गत आइतबार राति हृदयाघात भएपछि शाहलाई नर्भिक भर्ना गरिएको थियो । 
शाहलाई हृदयाघात भएको यो चौथो पटक हो ।