माथिल्लो सदन
मन्त्रीलाई सात दिन भित्र जवाफ दिन राष्ट्रिय सभाको ध्यानाकर्षण
काठमाडौं । राष्ट्रियसभा अध्यक्ष नारायणप्रसाद दाहालले सभाको आकस्मिक, शून्य र विशेष समयमा सांसदले उठाएका विषयको सम्बन्धित मन्त्रीबाट सात दिनभित्र जवाफ दिन सरकारको ध्यानाकर्षण गराएका छन्।
सभाको आजको बैठकमा उनले राष्ट्रियसभा नियमावली, २०७५ मा भएको उक्त व्यवस्थाको प्रभावकारी कार्यान्वयन गर्न सरकारको ध्यानाकर्षण गराए।
राष्ट्रियसभा नियमावलीमा नेपाल सरकारले बनाएको प्रत्यायोजित विधायन र सार्वजनिक नीति सम्बन्धित निकायबाट स्वीकृत भएको १५ दिनभित्र सांसदलाई वितरण गर्ने प्रयोजनार्थ सभालाई उपलब्ध गराउनुपर्ने व्यवस्था छ।
यस्तै आकस्मिक, शून्य र विशेष समयमा सांसदहरूले उठाएका विषयको जवाफ सम्बन्धित मन्त्रिले सात दिनभित्र दिनुपर्ने व्यवस्था छ।
प्रकाशित मिति: आइतबार, फागुन ११, २०८१ १९:२८
प्रतिक्रिया दिनुहोस्
थप राजनीति
