काठमाडौं । काठमाडौं–तराई–मधेस द्रुत मार्ग (फास्ट ट्रयाक) निर्माण समयमै नसकिने भएको छ ।
नेपाली सेनाले हालसम्म गरेका कार्यहरुका बारेमा जानकारी दिन आइतबार सेनाको मुख्यालयमा आयोजित कार्यक्रममा निर्धारिता समयमा द्रुतमार्ग निर्माण नसकिने जनाएको हो। सेनाले २०८३ चैत मसान्तभित्र निर्माण सक्ने लक्ष्य लिएको थियो ।
द्रुत मार्गका प्रमुख उपरथी कमलविक्रम शाहले गत असोज १२ र १३ गतेको भिषण वर्षाका कारण निर्माण कार्यमा ढिलाइ भएको जानकारी दिए।
उनले खोकनाको जग्गा विवाद समयमै हल हुन नसके निर्माणको समयावधि थपिने पनि बताए । उनले प्राकृतिक प्रकोपले पनि आयोजनाले गति लिन नसकेको बताए ।
उनले सबैभन्दा गाह्रो रुख कटानको काम भएको बताए ।
असोज १२ र १३ गतेको भिषण वर्षाका कारण बख्खुबेसीदेखि सिस्नेरीसम्मको फास्ट ट्रयाक निर्माणको भौगोलिक अवस्था नै परिवर्तन भएको नेपाली सेनाको भनाइ छ।
