काठमाडौं । भारतको ओडिसास्थित कलिंगा इन्स्टिच्यूट अफ् इन्डस्ट्रियल टेक्नोलोजी (केआईआईटी) मा अध्ययनरत् १ सय बढी विद्यार्थी नेपाल फर्किएका छन् । उनीहरुमध्ये केही विराटनगरको जोगवनी नाका र केही विद्यार्थी बेलहिया नाका हुँदै नेपाल फर्किएका हुन्। 

जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक सुरज कार्कीले रुपन्देही जिल्ला घर भएका विद्यार्थी घर फिर्ता भएको बताए । 
भारतको कलिंगा इन्स्टिच्यूट अफ् इन्डस्ट्रियल टेक्नोलोजी (केआईआईटी) मा अध्ययनरत नेपाली विद्यार्थी प्रकृति लम्सालको मृत्युपछि सिर्जित परिस्थितिका कारण विश्वविद्यालयले नेपाली विद्यार्थीलाई छात्रावासबाट निकालेको थियो। 

प्रकृति लम्सालको शव ल्याइँदै

भारतको ओडिसा भुवनेश्वरस्थित कलिङ्गा इन्स्टिच्युट अफ इन्डस्ट्रियल टेक्नोलोजीको छात्रावासमा मृत भेटिएकी भैरहवाकी प्रकृति लम्साललाई  साँझ गोरखपुर ल्याइएको छ। 

लम्सालका बुबा सुनिल लम्साल लगायतले प्रकृतिको शव लिएर बिहान १० बजे भारतको ओडिसास्थित भुवनेश्वरबाट हिडेका थिए । केआइआइटी स्नातक अन्तिम वर्षमा अध्ययनरत भैरहवाकी छात्रा प्रकृतिको शव छात्रावासमा भेटिएको थियो। घटनाको जानकारी पाएपछि प्रकृतिका बुवा भारतको ओडिसा गएका थिए ।

प्रकृतिका बुवाआमा र भाइ काठमाडौंमा बसेर उद्योग सञ्चालन गर्दै आएका थिए। हजुरबुवा र हजुरआमा भने भैरहवामा छन् ।   प्रकृतिको मृत्यु प्रकरणबारे उहाँको परिवारले अहिलेसम्म आधिकारिक रुपमा कुनै प्रतिक्रिया दिएको छैन।