काठमाडौं । साफ यू–२० च्याम्पियनसिपको सेमिफाइनलको पहिलो खेलमा आज नेपालले नेपालले भुटानसँग खेल्दैछ। 

सातदोबाटोस्थित एन्फा कम्प्लेक्समा हुने यो खेल अपराहन्न ३ बजेदेखि शुरु हुने छ।  

प्रतियोगितामा नेपाल समुह ए का दुवै खेल जितेर समुह विजेता हुदै सेमिफाइनल खेल्दै छ। नेपालले समुह चरणमा श्रीलंकालाई १–० ले बंगलादेशलाई २–१ गोल अन्तरले पराजित गरेको थियो। 

भुटान भने समुह बी मा उपविजेता बन्दै नेपालसँगको भेट पक्का गरेको हो।  भुटानले माल्दिभ्सलाई २–१ ले पराजित गरेको थियो भने भारतसँग १–० ले पराजित भएको थियो।

दोस्रो सेमिफाइनलमा भारत र बंगलादेश भिड्ने छन्। यीदुईबीचको खेल सोमबार हुने छ।

प्रतियोगिताको फाइनल खेल बुधबार हुने तालिका छ।