काठमाडौं । पोखरा भ्रमण वर्षका क्रममा बेलुन पड्किएर घाइते भएका उपप्रधान तथा अर्थमन्त्री विष्णुप्र पौडेल कीर्तिपुर अस्पतालबाट घर फर्किएका छन्।

अस्पतालमा दुई दिनदेखि उपचार गराइ रहेका पौडेल आज ‘डिस्चार्ज’ भएका हुन्। पोखरा महानगरपालिकाका मेयर धनराज आचार्यको स्वास्थ्य अवस्था सामान्य हुँदै गएको र उनलाई थप केही दिन अस्पतालमा राखिने पनि अस्पतालले जनाइएको छ।

दुवै जनाको जलनको घाउ निको हुँदै गएको र फोक्सोमा कुनै खराब असर नभएको अस्पतालले जनाएको छ । अवस्था चिन्ताजनक नभएकाले आजै उपप्रधान तथा अर्थमन्त्री विष्णु पौडेललाई अस्पतालबाट आज ‘डिस्चार्ज’ गर्ने निर्णय भएको कीर्तिपुर अस्पतालद्वारा जारी प्रेस विज्ञप्तिमा भनिएको छ । अस्पतालका अनुसार मेयर धनराज आचार्यको पहिलेदेखि नै उच्च रक्तचापको समस्या भएको कारण हृदयरोग विशेषज्ञसँग परामर्श भइरहेकाले केही दिन थप उपचार गर्नु पर्ने भएको छ ।