काठमाडौं । आन्दोलनद्वारा पार्टी निर्माणको प्रस्ताव अघि सारेको नेकपा (एकीकृत समाजवादी) ले महँगी, भ्रष्टाचार, कुशासन लगायतका विभिन्न समस्याहरूलाई आन्दोलनका मुख्य एजेन्डा बनाउने भएको छ ।
आगामी साता (फागुन ८ र ९) गते बस्ने पार्टीको केन्द्रीय कमिटी बैठकले आन्दोलनका कार्यक्रम पारित गरेर सडकमा होमिने तयारी भएको उपाध्यक्ष तथा प्रचार विभाग प्रमुख प्रकाश ज्वालाले जानकारी दिए ।
नेता ज्वालाका अनुसार केन्द्रीय कमिटी बैठकले सैद्धान्तिक रूपमा ‘आन्दोलनद्वारा पार्टी निर्माण’ भन्ने कार्य योजना पारित गरेपछि आन्दोलनका कार्यक्रम अघि बढ्नेछन् ।
केन्द्रीय कमिटी बैठक लगत्तै एक महिनाभित्र तल्ला कमिटीहरूमार्फत सुझाव सङ्कलन गर्ने र तिनै सुझावका आधारमा आन्दोलनको मिति र कार्यक्रमको मोडालिटीलाई अन्तिम रूप दिने तयारी भएको नेता ज्वालाले जानकारी दिए ।
नेकपा एकीकृत समाजवादीले यसअघि महासचिव घनश्याम भुसालको नेतृत्वमा आन्दोलन परिचालन समिति गठन गरिसकेको छ ।
