काठमाडौं । झापाको कनकाई नगरपालिका ४ स्थित भित्री सडकखण्डमा प्रहरीले गोली हानेर दुई भारतीय लागुऔषध कारोबारीलाई पक्राउ गरेको छ।
गएराति भारतको बिहार राज्यको डिगल बैंक थाना घर भएका २८ वर्षीय अन्जार आलम र उनका भाई १९ वर्षीय यूसुब आलामलाई गोली चलाएर पक्राउ गरिएको प्रहरीले जनाएको छ ।
उनीहरुले वीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेको प्रहरीको भनाइ छ । मोटरसाइकल रोकेर जाँज गर्ने क्रममा दुवै जना भाग्न खोज्दा उनीहरुमाथि गोली चलाउनु परेको जिल्ला प्रहरी कार्यालयका सूचना अधिकारी कृष्णबहादुर चन्दले जानकारी दिए।
प्रहरीले चार राउण्ड हवाई फायर गरी दुवैजनालाई नियन्त्रणमा लिएको हो। यस क्रममा मोटरसाइकल चालक अन्जार आलमको घुडाँमुनी गोली लागेको छ।
उनीहरुको साथबाट प्रतिबन्धित लागुऔषध ब्राउन सुगुर ६३ मिलिग्राम फेला परेको प्रहरीले जनाएको छ । घाइेतको मेची अस्तपाल भद्रपुरमा उपचार भइरहेको छ ।
