काठमाडौं । बेलायतका राजकुमार एडवर्ड आज नेपाल भ्रमणमा आएका छन्। श्रीमती सोफियासहित उनी नेपाल आएका हुन्।

उनी केहीबेर अघि त्रिभुवन विमानस्थल ओर्लिएको परराष्ट्र मन्त्रालयले जनाएको छ । उनले आजै
 राष्ट्रपति रामचन्द्र पौडेललाई भेट्ने कार्यक्रम छ । उनको नेपाल भ्रमण पहिलो हो ।

पौडेललाई भेट्न उनी दिउँसो चार बजे शितल निवास जाने छन् ।  राजकुमार दम्पत्तीले भोलि ललितपुर, भक्तपुर र कीर्तिपुरका विभिन्न स्थान घुम्ने कार्यतालिका छ । 

नेपालमा रहँदा उनी पोखरा पनि जानेछन् । आगामी आइतबारसम्म उनी नेपालमा रहने छन् । उनी भारतको भ्रमण सकाएर नेपाल आएका हुन् । 

बेलायती राजपरिवारका सदस्य एडवर्ड रानी एलिजाबेथ द्वितीयाका कान्छा सन्तान हुन् । उनी वर्तमान राजा चार्ल्स तृतीयाका कान्छा भाइ हुन् ।