काठमाडौं । ताप्लेजुङको पाथीभरा (मुक्कुम्लुङ) क्षेत्रमा निर्माण गर्न लागिएको केबलकारका विषयमा उत्पन्न विवाद समाधानकालाई आज पनि वार्ता हुदैछ ।
हिजो अबेरसम्म भएको वार्ता निश्कर्षविहिन भएपछि आज पुन वार्ता हुन लागेको हो ।
वार्ता बिहान बिहान ११ बजे पुनः बस्ने सरकारी वार्ता टोलीका संयोजक प्रेमप्रसाद भट्टराईले जानकारी दिए।
सरकारद्वारा गठित वार्ता टोली र आन्दोलनरत पक्षका वार्ता टोलीबीच ललितपुरमा भएको वार्ता सरकारात्मक भए पनि निष्कर्षमा पुग्न सकेको छैन।
आन्दोलनरत पक्षबाट केबलकार निर्माण स्थगित र पक्राउ परेकालाई रिहा गर्नुपर्नेलगायतका माग पेश गरेका छन् ।
यता, राजधानीमा वार्ता जारी रहदा विरोधमा उत्रेको नो केबलकार समूहले उता पूर्वमा रुख ढालेर सडक अवरोध गरेको छ ।
आम हड्तालको आह्वान गरेको समूहले हिजो मेची राजमार्गको फिदिम ताप्लेजुङ सडकखण्डमा रुख ढालेर सडक अबरोध गरेको थियो ।
सरकारसँग वार्ता गरेपनि बन्दलाई यथावत राखिएको बन्दकर्ताहरुले जनाएका छन् ।
