काठमाडौं । बलिउड गायक उदितनारायण झाले प्रशंसकलाई गरिएको चुम्बन आफ्नो शुद्ध स्नेह भएको भन्दै फोहोरी प्रतिक्रिया नदिन आग्रह गरेका छन् ।
लाइभ परफरमेन्सका क्रममा एक महिलाले सेल्फि लिने क्रममा गायक गायक झाको गालामा चुम्बन गरेपछि उनले पनि महिला प्रशंसकको ओठ चुमेका थिए ।
सोही भिडियोमाथि सामाजिक सञ्जालमा चर्को आलोचना भएपछि गायकले प्रशंसकलाई आफुले स्नेह दिएको प्रष्टिकरण दिएका छन् ।
उनले द इण्डियन एक्सप्रेसलाई दिएको प्रतिक्रियामा भनेका छन् , ‘मलाई मेरो शुद्ध स्नेहको कार्यमा फोहोर देख्नेहरुप्रति दुख लागेको छ।’
उनले आफूलाई कुनै अप्ठ्यारो वा लाज महसुस नभएको समेत उल्लेख गरेका छन् । महिला फ्यानहरूले देखाएको स्नेहलाई शुद्ध व्यवहारकारुपमा हेरिदिन पनि उनले समस्त फ्यानलाई अपिल गरेका छन् ।
उनले यो पनि भनेका छन्, ‘फ्यानले हामीलाई भेट्ने मौका पाउनुपर्छ जस्तो लाग्छ। त्यसैले यस्तो अवस्थामा कोही हात मिलाउन हात फैलाउँछन्, कोही हात चुम्बन गर्छन्। यो सब क्रेज हो, यसमा त्यति ध्यान दिनुहुन्न।’
