काठमाडौं ।  नेपाली कांग्रेस भीमदत्त नगर कार्यसमितिका सभापति अच्युत कलौनी मृत भेटिएका छन् । उनी कञ्चनपुरको मामाभान्जा चोक नजिकै आज विहान मृत भेटिएका हुन् ।

कलौनीको शव सडकपेटीमा घोप्टो परेको अवस्थामा भेटिएको हो। घटनास्थलमा प्रहरी पुगेर अहिले सिल गरेको छ । घटनाको अनुसन्धान भइरहेको प्रहरीले जनाएको छ । उनको मृत्युको कारण खुलेको छैन । अनुसन्धानका लागि चिकित्सकको टोली पनि मगाइएको प्रहरीले जनाएको छ । 

कलौनी नेपाल विद्यार्थी संघको राजनीतिबाट कांग्रेसको मूल राजनीतिमा आएका थिए । उनि अहिले  भीमदत्त नगर कार्यसमितिको सभापति एवं महेन्द्रनगरको बैजनाथ माध्यमिक विद्यालयको व्यवस्थापन समितिको अध्यक्ष समेत थिए । नेविसंघको राजनीतिमा उनी केन्द्रीय सहमहमन्त्रीसम्म पुगेका थिए । 

नेपाल विद्यार्थी संघको केन्द्रीय सहमहामन्त्रीसमेत भइसकेका उनी महेन्द्रनगरको बैजनाथ माध्यमिक विद्यालयको व्यवस्थापन समितिको अध्यक्ष थिए।