काठमाडौं । ललितपुरको युनाइटेड एकेडमीले ‘युनाइटेड रोबो फेस्ट ३.०’ गर्ने भएको छ । प्रविधि र नवप्रवर्तनलाई प्रवर्द्धन गर्ने उद्देश्यले  फेस्ट गर्न लागिएको एकेडेमीले जनाएको छ ।

फेस्टमा कक्षा ९ देखि ब्याचलर लेभलसम्मका विद्यार्थीले आफ्नो सिप र क्षमता प्रदर्शन गर्ने छन् । फेस्टमा उपत्यकाका अन्य विद्यालयका विद्यार्थीको पनि सहभागिता रहने एकेडेमीको भनाइ छ । 

अन्तर विद्यालय  रोबोटिक्स प्रतियोगिता र विज्ञान प्रदर्शनीले विद्यार्थीको दक्षताको मापन गर्ने भएकाले उनीहरुकालागि करियर डेभलपमेन्टको अवसर हुने एकेडेमीको दाबी छ ।  फेस्टमा विद्यार्थीहरूले आफ्ना प्रविधि सम्बन्धी सीप तथा सिर्जनशीलता प्रस्तुत गर्ने अवसर प्राप्त गर्ने छन् । 

कार्यक्रमका मुख्य विशेषताहरूमा पहिलो, रोबोटिक्स तथा प्रविधिमा आधारित चुनौतीपूर्ण खेलहरू, जसले विद्यार्थीहरूको सीप परीक्षण गर्नेछ। यसैगरी प्लस टु तहका विद्यार्थीहरूद्वारा निर्माण गरिएका २० नवीनतम रोबोटिक्स मोडेलहरू प्रदर्शनीमा रहनेछन्, जुन विशेष रूपमा सुरक्षाका विषयमा केन्द्रित हुने छन्।

 रोबोटिक्स तथा प्रविधिमा रुचि राख्नेहरूका लागि यो उत्कृष्ट सिकाइको अवसर हुने युनाइटेड एकेडेमीले जनाएको छ ।