काठमाडौं । भारतको उत्तर प्रदेश राज्यस्थित प्रयागराजमा जारी महाकुम्भ मेलामा मंगलबार राति भागदौड मच्चिँदा ३० जनाको मृत्यु भएको त्यहाँको सरकारले पुष्टि गरेको छ। दुर्घटनामा अन्य ६० जना घाइते भएको बताइएको छ।

यसैबीच घटनाप्रति दुःख व्यक्त गर्दै उत्तर प्रदेशका मुख्यमन्त्री योगी आदित्यनाथले मृतकका परिवारलाई जनही २५ लाख रुपैयाँ क्षतिपूर्ति दिने घोषणा गरेका छन्। 

मुख्यमन्त्री योगीले सरकारले घटनाको न्यायिक छानबिन गर्ने बताएका छन् ।  यसका लागि सरकारले  ३ सदस्यीय न्यायिक आयोग गठन गरेको छ ।