काठमाडौं । नेकपा (माओवादी केन्द्र)को विद्यार्थी संगठन अनेरास्ववियू (क्रान्तिकारी) को २३औँ राष्ट्रिय सम्मेलनमा आज मतदान हुने छ । आज सम्पन्न हुने निर्वाचनमा केन्द्रीय पदाधिकारी, सचिवालय सदस्य, केन्द्रीय सदस्य र आयोगका पदाधिकारी तथा सदस्यलगायत पदमा १ सय ३५ जना उमेदवार निर्विरोध निर्वाचित भएका छन् ।
अनेरास्ववियू (क्रान्तिकारी)को केन्द्रीय निर्वाचन समितिका प्रमुख निर्वाचन अधिकृत मुक्तिनारायण प्रधानले उनीहरू निर्विरोध निर्वाचित भएको घोषणा गरेका हुन् ।
अनेरास्ववियू (क्रान्तिकारी) आज हुन गइरहेको २३ औं राष्ट्रिय सम्मेलनमा विभिन्न पदका उम्मेदवार निर्विरोध भएको निर्वाचन समितिले जनाएको छ । केन्द्रीय पदाधिकारी, सचिवालय सदस्य, केन्द्रीय सदस्य र आयोगका पदाधिकारी तथा सदस्यमा केही उम्मेदवार निर्विरोध भएका हुन् ।
मनोनयन अनुसार ३३ पदाधिकारीका लागि १ सय ५५ जनाको उम्मेदवारी परेको थियो । निर्वाचनमा अध्यक्षका लागि ५ जना उम्मेदवार मैदानमा छन् ।
९ उपाध्यक्ष पदका लागि ४४ जनाले उम्मेदवारी दिएका छन् । एक महासचिवका लागि ८ जनाको उम्मेदवारी परेको छ । ९ उपमहासचिवका लागि ३६ जना, १२ सचिवका लागि ५८ जना र एक कोषाध्यक्षका लागि ४ जनाले उम्मेदवारी दिएका छन् ।
