काठमाडौं । अमेरिकामा सल्किएको आगो नियन्त्रणमा ल्याउन सकस परिरहेको छ । लस एन्जलसमा लागेको डढेलो थप फैलिन थालेको छ । आगो फैलिएसँगै हजारौं मानिसहरूलाई सुरक्षित स्थानहरूमा सार्न थालिएको छ ।
आगलागी भएको क्षेत्र शहरबाट ४५ माइल मात्रै टाढा रहेको अमेरिकी सञ्चार माध्यमहरुले जनाएका छन् ।
कास्टेइक ताल नजिकैको पहाडी क्षेत्रमा लागेको आगोलाई निभाउन प्रशासनलाई हम्मेहम्मे परिरहेको छ । हो। अहिले आगौ फैलिएको क्षेत्र नजिकै धेरै आवासीय क्षेत्र र विद्यालयहरू पनि छन्।
आगोले ८ हजार एकडभन्दा बढी क्षेत्रफललाई ध्वस्त पारेको छ। तीव्ररुपमा चलेको हावा र सुख्खा झाडीका कारण आगौ थप दन्किएको हो ।
अहिलेसम्म आगलागीबाट कुनै पनि घरमा क्षति नभए पनि करिब १९ हजार मानिसले आसपासको क्षेत्र छाडिसकेका छन् । अमेरिकाको क्यालिफोर्नियाका अग्निनियन्त्रकहरूले अझै पनि जंगलमा लागेको आगो निभाउने प्रयास गरिरहेका छन्।
त्यहाँ पछिल्लो एक सातादेखि आगलागी जारी छ । आगोका कारण अहिलेसम्म सयौं आलिशान घरहरू ध्वस्त भएका छन् भने २५ जनाको मृत्यु भएको बीबीसीले जनाएको छ।
