काठमाडौं । नेपाली कांग्रेसका नेता डा शेखर कोइरालाले विद्युत प्राधिकरणलाई राजस्व उठानउ नदिएर सरकारले गलत गरेको टिप्पणी गरेका छन् । कोइरालाले  प्राधिकरणका कार्यकारी निर्देशक कुलमान घिसिङले राजस्व उठाउनका लागि गरेको प्रयासलाई सरकारले अवरोध गरेर गल्ती गरेको बताए । 

अरबौं रुपैयाको बक्यौता उठाउन अवरोध गर्नु राज्यमाथि बेइमानी भएको उनको भनाई छ । भर्खरै बेलायत भ्रमणबाट फर्किएका कोइरालाले एक अन्तर्वतामा भनेका छन् – कुलमानजीले उद्योगको बक्यौता उठाउने भन्नुभयो । त्यो जायज छ । तपाईं हामीहरूको दुई महिनाको विद्युतको बिल नतिर्दा लाइन काट्छ । तर, यहाँ अर्बौं रुपैयाँको बिल तिरेका छैनन् र त्यो तिराउनलाई कुलमानजी प्रयासरत हुनुहुन्छ । त्यही होइन कुरा  अब यसमा प्रधानमन्त्रीजीले रोष्टममा उभिएर बोल्नु भएको छ । बक्यौता पनि उठाउनु पर्छ, लाइन पनि जोड्नुपर्छ भन्नुभएको छ । हामीले पनि सुनेका छौँ ।

सरकारले कुलमानलाई  लाइन नकाट भनेर उर्दी जारी गर्नु भनेको विधिको शासन विपरित भएको उनको तर्क छ । 

 राजस्व नै तिर्न नपर्ने गरि  सरकारले जे निर्णय गरेको छ, त्यो गलत भएको उनले बताए ।