काठमाडौं । राष्ट्रपतिको सपथ लिएसँगै डोनाल्ड ट्रम्पले विभिन्न आदेशमा हस्ताक्षर गरेका छन् । हस्ताक्षरका क्रममा उनले निवर्तमान राष्ट्रपति जो वाइडेनले यसअघि गरेका ७८ निर्णयको खारेज गरेका हुन् । ट्रम्पले गरेको हस्ताक्षरसँगै वाइडेनले गरेका निर्णयहरु खारेज भएका छन् ।
यो सँगै अमेरिकाले पेरिस जलवायु सम्झौताबाट बाहिरिने घोषणा पनि गरेका छन् । सेना र केही अन्य आवश्यक क्षेत्रहरू बाहेक सबै सङ्घीय भर्नाहरू पनि रोकेका छन् । यति मात्र होइन, ट्रम्पले अमेरिका–मेक्सिको सीमामा अवैध आप्रवासनलाई राष्ट्रिय आपतकाल घोषणा गरे ।
४७ औँ राष्ट्रपतिको रूपमा शपथ लिएका छन् । शपथ लिने बित्तिकै ट्रम्पले ओभल अफिसमा धेरै कार्यकारी कार्यहरूमा हस्ताक्षर गरेर पत्रकारहरूको प्रश्नका जवाफ पनि दिए । यस क्रममा विदेश नीतिको बारेमा बोल्दै अमेरिकी राष्ट्रपति डोनाल्ड ट्रम्पले विदेश नीतिमा आफ्नो प्राथमिकता अमेरिकालाई सुरक्षित राख्नु हुने बताए।
उनले अमेरिकामा विदेशी गिरोह सदस्यहरूलाई लक्षित गर्न १७९८ को एलियन एनिमीज एक्ट लागू गर्ने योजना पनि घोषणा गरे । यो कानुनी अधिकार अन्तिम पटक दोस्रो विश्वयुद्धको समयमा जापानी, जर्मन र इटालियन मूलका गैर(नागरिकहरूलाई नजरबन्द शिविरहरूमा थुन्न प्रयोग गरिएको थियो ।
राष्ट्रपति बन्ने बित्तिकै, ट्रम्पले जनवरी ६ को हिंसाको लागि दोषी ठहराइएका आफ्ना समर्थकहरूलाई माफी दिएका छन् ।
