काठमाडौं । चालु आर्थिक वर्षको ६ महिनाको अवधिमा झण्डै ४ लाख नेपाली कामको खोजीमा विदेश उडेका छन्। वैदेशिक रोजगार विभागका अनुसार साउनदेखि पुस सम्मको अवधिमा ३ लाख ९३ हजार ६७ जनाले श्रम स्वीकृति लिएर विदेश गएका हुन् ।

विभागले पुस महिनामा मात्रै ६७ हजार जनाले विदेश जानका लागि श्रम स्वीकृति लिएको जनाएको छ । व्यक्तिगत तबरबाट १ हजार ८५ तथा मेनपावरबाट सहित कुल ६७ हजार २५८ जना वैदेशिक रोजगारीमा गएका हुन् । 

विभागका अनुसार ६ महिनाको अवधिमा पुसबाहेक मात्रै व्यक्तिगत तबरबाट ५४ हजार ३७४, मेनपावरबाट १  लाख ३१ हजार ८५०, पुन श्रमस्वीकृतिबाट १ लाख ३५ हजार ४२५ तथा जीटुजीमार्फत ४ हजार १६० जनाले विदेश जानका लागि श्रम स्वीकृति लिएका हुन् ।