Banner Nepal
क्रिकेटर सन्दीपले मध्यरातमा लेखेको स्टाटस घुर्की कि रिटायर्ड लाइफबारे मिडिया ट्रायल

काठमाडौं । किक्रेटर सन्दीप लामिछानेले सन्यासको तयारी गरेका हुन् ? यो प्रश्न अहिले सामाजिक सञ्जालमा सर्वत्र चासोका साथ सोधिन थालिएको छ ।

लामिछानेले शनिवार मध्यराति सामाजिक सञ्जाल फेसबुकमा थ्यांकयू अल भन्दै सबैप्रति कृतज्ञता जनाएसँगै उनको भविष्यलाई लिएर यति धेरै चासो भएको हो ।  

राष्ट्रिय टिमबाट सन्यास लिएको भन्ने प्रष्ट शब्द उल्लेख नगरेपनि उनको पोस्टको आशय त्यही  हो भन्दै कतिपयले लामिछानेले खेल जीवनबाट सन्यास लिन लागेको अड्कलबाजी गरेका छन् ।

कतिपयले उनको पोस्टमा निवृत्त जीवन सफल रहोस् भनेर शुभकामना दिएका छन् । कतिपयले भने सन्दीपले घुर्की दिएको भनेर प्रतिक्रिया जनाएका छन् । 


नेपाली राष्ट्रिय टोलीको कप्तान भइसकेका क्रिकेटर लामिछानेलाई उनको पोस्टमा कमेन्ट गर्दै अझै केही वर्ष खेल जीवनमै सक्रिय हुन सल्लाह दिनेहरु पनि छन् ।

उनले लेखेका छन् – ‘सबै कुराका लागि सबैलाई धन्यवाद। यो देश र यस सुन्दर राष्ट्रका अद्भुत मानिसहरूले मेरो यात्राको प्रत्येक कदममा सधैं साथ दिए, अटल सहयोग प्रदान गरे’, सन्दीपले लेखेका छन्, ‘तपाईंहरूको माया र हौसला मेरो लागि अमूल्य छन् र सधैं मेरो हृदयमा विशेष स्थान ओगटिरहनेछन् । शब्दहरूमा व्यक्त गर्न नसकिनेगरी आभारी छु।’

बलात्कारको मुद्दा लागेपछि सन्दीप विवादित बनेका थिए । मुद्दामा सफाइ पाएसँगै फेरि खेल जीवनमा भित्रिएका लामिछानेको परफेन्स पहिले जस्तो हुन नसकेको भन्दै उनको आलोचना गर्ने हरु पनि उत्तिकै छन् । 

प्रकाशित मिति: आइतबार, माघ ६, २०८१  ०९:३८
प्रतिक्रिया दिनुहोस्
Weather Update