मधेस सरकार
मधेस सरकारले आज सातौँ बलिदानी दिवस मनाउँदै, जानकी मन्दिरमा १ लाख दिप प्रज्वलन गरिने
काठमाडौं । मधेस प्रदेश सरकारले आज माघ ५ गते सातौँ बलिदानी दिवस मनाउँदैछ । अधिकार प्राप्तिको आन्दोलनमा शहादत प्राप्त गरेका शहीद परिवार र अंगभंग भएका तथा घाइतेलाई आर्थिक सहयोग र सम्मान गरेर दिवस मनाउन लागिएको मधेश प्रदेश सरकारले जनाएको छ ।
दिवसका अवसरमा सहिदहरुको सम्झनामा जानकी मन्दिरमा १ लाख दिप प्रज्वलन गर्ने तयारी गरिएको छ ।
२०६३ सालमा भएको मधेश विद्रोहको सम्झनामा प्रदेश सरकारले माघ ५ गते बलिदानी दिवस मनाउने गरेको छ ।
माघ ५ गते सिरहाको लहानमा रमेश महतोको गोली लागेर ज्यान गएपछि मधेशका सबै जिल्लामा आन्दोलन सुरु भएको थियो । सो दिनलाई स्मरण गर्दै पूर्व मुख्यमन्त्री लालबाबु राउत नेतृत्वको प्रदेश सरकारले विशेष कार्यक्रमको आयोजना गरी बलिदानी दिवस मनाउने निर्णय गरेको थियो ।
प्रकाशित मिति: शनिबार, माघ ५, २०८१ ०९:३०
प्रतिक्रिया दिनुहोस्
थप राजनीति
