Banner Nepal
करिनाको अपिल - समाचारका नाममा अफवाह नफैल्याइदिनुस्, हामी अहिले शान्ति चाहन्छौ! 

काठमाडौं । बलिउड अभिनेता सैफ अलि खानमाथि भएको आक्रमणपछि उनकी पत्नी करिना कपूर खानले मुख खोलेकी छन् ।

kareena--1737087932.webp
 

नायिका समेत रहेकी करिनाले सामाजिक सञ्जालमा घटनाबारे आफ्नो पहिलो पटक प्रतिक्रिया जनाएकी हुन् । करिनाले इन्स्टाग्राममा पोस्ट गर्दै सञ्चारमाध्यमलाई अनुमानका भरमा अफवाह नफैल्याउन आग्रह गरेकी छन् ।  उनले समाचारका नाममा अफवाह नफैल्याउन भनेकी हुन् ।

करिनाले आफ्नो इन्स्टाग्राम पोस्टमा लेखेकी छिन्, ‘यो हाम्रो परिवारका लागि एक अत्यन्त चुनौतीपूर्ण दिन रह्यो । र, हामी अझै पनि भएका घटनाहरू बुझ्ने प्रयास गरिरहेका छौं। यो कठिन समयमा म सम्मानपूर्वक र नम्रतापूर्वक सञ्चारमाध्यम र फोटोग्राफरहरूलाई निरन्तर समाचार र अड्कलबाजी नगर्न आग्रह गर्छु।’

भारतीय सञ्चार माध्यमका अनुसार बिहीबार बिहान चोरीको उद्देश्यले घरमा पसेका एक व्यक्तिले धारिलो हतियारले अभिनेता सैफ अलि खानमाथि आक्रमण गरेका थिए। आक्रमणमा अभिनेता खान घाइते भएका छन्। 

लीलावती अस्पतालमा उपचाररत सैफको सैल्यक्रिया सम्पन्न भइसकेको छ । उनको शरिरबाट तीन इन्च लामो धारिलो वस्तुको टुक्रा निकालिएको अस्पतालले जनाएको छ । अस्पताल स्रोतका अनुसार उनी खतरामुक्त छन् । 

प्रकाशित मिति: शुक्रबार, माघ ४, २०८१  १०:१३
प्रतिक्रिया दिनुहोस्
Weather Update