चितवन, चर्चित कथावाचिका देवी प्रतिभा नेपाल आएकी छन् । चितवनको देवघाट महोत्सवमा सहभागी हुन १५ जनाको जम्बो टोलीसहित उनी मंगलवार साँझ नेपाल आएकी हुन् ।
देवी प्रतिभा मकर स्नान माघ महामहोत्सवका अवसरमा १ महिनासम्म चल्ने महायज्ञमा कथावाचन गर्नका लागि चितवनको देवघाटमा आएकी आयोजकले जनाएको छ ।
यसअघि पशुपतिनाथ मन्दिरमा करिब १५ दिन कथा वाचन गरेर धेरैको मन जितेकी २३ वर्षीया उनी यस पटक १० दिनका लागि देवघाटमा कथा वाचन गर्नका लागि आएकी हुन् ।
मातापिता सेवा आश्रम र देवघाट दिव्य धामको निर्माण सहयोगार्थ लगाइने ‘देवघाट महामहोत्सव’मा देवी प्रतिभाका अलावा पूज्य ईश्व्रकृष्ण महाराजजी, पूज्य ओम प्रकाश गुरु, पूज्य यशोदा कौडिन्य र पूज्य अनुराधा पाण्डेयले पनि कथावाचन गर्ने कार्यक्रम रहेको आयोजकले जनाएको छ ।
उनले महोत्सवमा १० दिन कथावाचन गर्ने बताइएको छ । काभ्रेपलाञ्चोक घर भएकी प्रतिभा यसअघि पशुपतिमा आयोजित एक महिने कोटीहोममा पनि सहभागी भएकी थिइन् ।
त्यतिबेला ‘प्यार से बोलो ना, थोडा जोर से बोलो ना, मस्तीमे बोलो ना’ लगायत उनको थेगोले हजारौँ दर्शनार्थीलाई लोभ्याएको थियो ।
यद्यपि, श्रीमानसँगको पारपाचुके (डिभोर्स) बारे दिइएको अभिव्यक्तिका कारण उनी विवादमा तानिइन् ।
२३ वर्षीया प्रतिभा भारतमा महंगो पारिश्रमिक लिने कथावाचकमध्येकी एक हुन् ।
