काठमाडौं। रौतहटमा शुक्रबार विहान जङ्गली हात्तीको आक्रमण बाट एक वृद्धाको मृत्यु भएको छ।

हात्तीले आक्रमण गर्दा फतुवाबिजयपुर नगरपालिका–११ की ७० वर्षीय पातली माया घिसिङको मृत्यु भएको हो। उनी श्रीमानसँगै

जङ्गल नजिकै  घर बनाएर जीवन यापन गर्दै आएकी थिइन्। हात्तीले घर भत्काउन थालेपछि दुवै जना भाग्ने क्रममा हात्तीले लखेटेर उनलाई आक्रमण गरेको प्रहरीले जनाएको छ।  उनका श्रीमान् बुद्धिमान दोङले भने भागेर ज्यान जोगाएका छन्। 

 घिसिङको शव पोस्टमार्टम गरी परिवारजनलाई बुझाइएको छ। रौतहटको उत्तरी क्षेत्रमा केही दिन यता जङ्गली हात्तीले किसानको बाली नष्ट गर्दै आएको छ।